2008-01-23

Хортон шавьж устгагч бодис ба хорт хавдар

Мэдээ уншаад бухимдах юм. Бухимдах юм бол уншаад хэрэг байна уу? Унасан төрсөн газар шороо, эгэл жирийн хүн амьтан цаашилбал эрүүл мэнд их ярих юм бол үндэсний тусгаар тогтнол гээд сэтгэл хямраам, арай ч үгүй байлгүй дээ гэж бодмоор мэдээ нутгийнхаа сонингуудаас унших боллоо.

Хамгийн сүүлийнх нь бол хачигтай буудай. Үнэн биш бас нэгэн цуурхал байгаасай. Тэгээд түүнийгээ хулганы хороор ариутгасан гэх. Бид ядаж адил сүүн тэжээлтэн тул хүнд хоргүй гэх баталгаа үгүй байна.

Дашрамд хэлэхэд гайгүй орны баялаг, чинээлэг хүмүүс бол энгийн гурил идэхээ байсан юм байна. Гурил бидний гар дээрээ ирэхдээ 5-6 удаа хорхой шавьж устгах бодисоор дамждаг, тэдгээрийн бодисын зарим нь мэдээнд дурдсаны адил элдэв харшил, хордлого үүсгэхээс гадна
хорт хавдар
үүсгэдэг болох нь тодорхой болоод удаж байна шүү дээ. Тэд “organic” гэх бүтээгдэхүүн хэрэглэнэ. Элдэв хольцгүй, байгалийн цэвэр бүтээгдэхүүн гэсэн үг.

Төр улс маань хүн амаа тал талын мэдлэгээр хангахад анхаармаар юм. Эхнэр, хамаатан саднаа өөрийн дор харьяа ажилд авна гэдэг эрээ цээргүй зангаасаа хэзээ салах вэ? Ажлыг жинхэнэ ажил биш гурил болгоно, гурилыг хор болгоно, за тэгээд ажил дээрээ хор найруулна гэдэг нь үнэн юм байна.

3 comments:

peakfinder said...

Hee heleed yahav. Zarimdaa ch setgeleer unaad sonin unshihaa boliyo gej bodoh yum. Gevch soniuch yum bolohoor tesehgui uzeed l ucaarlaad baih bololtoi. Orchin uyiin olon neelt devshliig sorgog huleej avaad busdiin hiisen aldaag davtalgui toirood garchihdag bol ch gej bodoh l yum.

ZAYA said...

Сүүлийн үед Монголд сайн юм болохгүй байгаа юм шиг л дандаа хар бараан мэдээ бичдэг болжээ. Уг нь харыг ч цагааныг ч бичих ёстой баймаар.
Сонин их уншихаар бухимдал үүсдэг юмаа.

Tsolmon said...

guril tsagaan boloh tusamaa l harahad saihan bolovch idehed eruul mended tiim ch saingui, hariig ni l ideed baihaas daa