2008-03-13

Завгүй тул дасгал хийдэггүй гэж үү?

Дасгал хийж байвал биед сайн гэнээ гэж бид өчнөөн л сонссон. Бараг л үлэг домог болтлоо сонсов, уншив, унших ч гэж дээ гүйлгэн хардаг, яриж байдаг зүйл юм чинь.

Насанд хүрсэн Америкчуудын 60% дасгал тогтмол хийдэггүй, ихэнх нь огт дасгал хийдэггүй гэнэ. Тэнд дор хаяж далан сая хүн хэт таргалалттай бөгөөд тэд бараг бүгдээрээ л хэдэн кило болж өгвөл хасчих санаатай. Дасгал хийх нь тийм сайн санаа юм бол яагаад илүү олон хүн дасгал хийж болохгүй байгаа юм бэ?

Ингэхэд хүн болгон тийм тарган төрдөггүй шүү дээ. Хэзээнээс бид жин нэмж эхэлдэг вэ? Хэзээ тэр илүү жин маань муухай харагдаж эхэлж байна?

Онтарио мужийн МакМастэрийн Их Сургуульд хийсэн судалгаагаар бол бид арван жилийн сургууль төгсөөд дараагийн шатны сургуульд орох тэр үеэс эхлэн шинэ сургуулийн ачаалал, тодорхой зохион байгуулалттай спорт үйл ажиллагаанууд хангалттай бус байдгааc шалтгаалан суумгай амьдралд аажмаар орж эхэлдэг гэжээ. Гол нь амьдралд ямар нэг өөрчлөлт гарангуут хүмүүс хуучин хэв заншлаа орхихдоо сайн хирнээ шинийг бий болгохдоо маруухан гэнэ.

Тэгвэл шинэ ажилд орогсод, шинэ гэр бүл бологсдыг хараад үзье. Шинэ ажилдаа дасах гээд, ажлын ачаалал их тул гээд шалтаг тасрахгүй. Шинээр хуримаа хийж байгаа хосын зургийг нэг жилийн дараах зурагтай нь харьцуулаад үзээрэй. Сайхан махтай мяраатай харагдах нь цөөнгүй. Гэхдээ өөрчлөгдөөгүй үлдсэн зарим нэг хосын анхны хүүхэдтэй болсны дараа авахуулсан зураг бас юм хэлэх гээд байдаг тал бий гэнэ шүү (миний хувьд лав хэлсэн юмдаг).

Бид дасгал хийхээ больдог шалтгааныг нэгэн сэтгэл зүйч ингэж тайлбарлажээ. Өөрийгөө удирдах чадвар бол сэтгэхүйн булчинтай адил ядарч туйлдаг юм гэнэ. Өдөржингөө нялх хүүхдийн юмуу дарга боссынхоо эсвэл ажлынхаа арга эвийг олох гэж хамаг сэтгэхүйн булчингаа ажиллуулсан бол орой нь өөрийгөө дайчлан дасгалаа хийгээд зогсох чадвар сул байна. Сэтгэхүйн булчингаа их ажиллуулах тусам илүү их ядардаг юм байна. Манайхаар бол аргаа барах гэх юмуу даа (тэгвэл хэл амгүй газар биеийн хүчний хүнд ч хамаагүй ажил хийгээд явж байвал ядрах нь гайгүй гэсэн үг үү?) Ямар ч байсан ядрах гэдэг бол сэтгэл санааны асуудал юм, өдрийн ажлаа дуусгаад гэртээ харихын өмнө өөртэй урамшуулах үг хэлж байх нь зүйтэй юм байна. Тэр өдрийн ажил чинь бүтээгүй байсан чинь яагаад бүтээгүй учрыг нь олсон маань яамай, эсвэл өөр нэг аргаар маргааш үзнэ дээ гэдэг ч юм уу. Өөрөөр хэлбэл өөрийгөө урамшуулан ажилтай холбоотой ачаалал гэр лүүгээ чирэхгүй байвал бид илүү эрч хүчтэй байх магадлалтай юм байна.

Дасгал хийдэггүйн дараачийн нэг алдаа бол тодорхой бус нийтлэг зорилго тавихтай холбоотой гэнэ. Жишээ нь: завтай болохоороо дасгал хийнэ гэдэг ч юмуу. Тэр зав гэдэг бол бэлэн өөрөө гараад ирдэг цаг биш, дасгалын цаг гэж зориуд цаг хувиарлаж сурвал зүгээр гэнэ.

Өөрийгөө удирдах (сэтгэхүйн) булчингийн хувьд сайн тал нь гэвэл энэ булчинг жижиг дасгалаар дасгалжуулж, хөгжүүлж болдог гэнэ. Жишээ нь: компютерын өмнө цэх сууж сурах, хүзүүгээ ганзагалахгүй байх эсвэл ус хангалттай ууж хэвших ч гэдэг юмуу.

Манай зарим блогчид маань сүрхий дасгал, сургууль хийдэг юмуу хийх эрмэлзэлтэй байдаг. Би өөрөө бол хааяа гүйх, усанд сэлэхээс өөрцгүй л байна. Зүгээр байснаас дээр боловч сайн жигдэрч, тогтмол хийх зүйлийн маань нэг болгоход цаг хугацаанаас гадна хичээл зүтгэл жаахан дутагдаад байх шиг. Ямар ч байсан усан сэлдэг газар маань цэвэр хлор хэрэглэхийн оронд давс-хлор хэрэглэх болсон тул арьс, уушиганд гамтай болжээ. 

13 comments:

ganga said...

Tanai blogoor anh udaa orloo. Manaihan bugd amlalt uureg avaad eruuljij baihad hotsorchihson baina shuu dee. Dasgal, yadaj gaduur alhdag boloh geed chadahgui baigaa. Amlalt avch eruuljuuleh bulgemiin gishuuneer elsdeg hergee.

peakfinder said...

Bi zavgui l bolohooroo dasgal hiij chadahgui baina gej bodood baigaa. Gehdee zavtai baisan uye bodohoor hiij baigaagui yum baina lee. Tegeheer bi gedeg hun tevcheer gargaj chadahgui baina uu daa. Ongordog zun neleen idevhtei yavsan yum. Doloo honogt hoyor udaa squash, voleyball toglood. Getel end tend honduur, shalbarhai, gemtel avaad dandaa l neg yum vodood baih hecuu geed bolichihson sh dee.

Tsolmon said...

humuus yagaad dasgal hiideggui talaarh uuriinhuu neg taamaglaliig helii, uchir ni dasgaliig udur bur togtmol tsagt hiih yostoi gesen buruu oilgolt baidagtai holbootoi, UDUR BUR,TOGTMOL TSAG gedeg oilgolt ayanga met l sonsogdoj dasgal hiihees aidag。

Bibby said...

TOGTMOL TSAGT hiih albagui e, bi lav togtmol tsagt hiideggui, ali bolomjtoi uedee l hiideg , udur buriin huvid haya yaltchgui tasaldchaad bh yum , gol ni tasaldsnii daraagaar butsaad dasgalaa hiij ehleh ni chuhal, humuus ter chigt ni hayachaad bdag

Ганаа_бж said...

Za yostoi uuchlaarai. Hed honog blogtoo yum bichij zavdahgui l bailaa. Unuudur bichnee.

A.Амарсайхан said...

Би ч бас дасгал хийх гэж байгаа. Худлаа гэвэл, Ганаа БЖ-гийн блогт ороод "Хөдөлгөөн эрүүл мэнд" бичлэгт үлдээсэн комментийг үзээрэй.

Ганаа_бж said...

haha. Amraag durtaiya elsuulnee, tee?

Ганаа_бж said...

Naiz ni boortsog hiisen, ochij ideerei. Bas tailanarhuu :p yum bichsen baigaa.

Destiny said...

Ganga: Bayarlalaa. Dandaa orj irj baigaarai. Elseerei, elseerei. Hudulguun bol eruul baihiin undes bolood baina shuu.

Peak: Sanaj baihad uchir bii, minii huvid bol 4 deh udriin oroi 6 tsagaas seldeg, tuuniigee ovoo taslahgui baina. Negend tsag tuluvluchihvel dagaad baih shinjtei yum baina. Daraa ni amraltiin udur bas ochdog bolovch huuhduudteigee ochih tul seleheesee togloh ni ih.

Tsolmon: Part time ajilladag esvel oyutan humuust togtmol tsagt dasgal hiihed iluu tohiromjtoi baih.

Bibby: Yag unen shuu. Tasalah ue garna, harin urgeljuulen dasgal hiih inertcee aldaj bolohgui.

Ganaa_bj: bi ochij tailangaa tavina.

Amraa: Chinii alhalt chini hamgiin zuv helberiin dasgal baina. Bas ediin zasagt hemnelttei.

ZAYA said...

Би нэг найзтайгаа ширээний теннис тоглон шүү гэж яриад 2 сар бараг болох гэжийнааа.
Ганц сайхан тогломоор байна.

tumee 33 said...

Tailangiinhaa hurald oroitoj orj irsniig urshoogeerei.Zav yumaa zohitsuulj dunguhgui boitoglood l guij yavna naiz ny...Tailan gesnees, chamd amlalt uureg avsnaasaa hoish 2-3 kg tursan geed l bichmeer baina,daanch ene ooh tos yag hevendee` guriigeed^ baihiin.Gehdee ehlehiin huvid ehelseen.Gurilan ideh yumnii orond, tarag idej baiya gej bodood ...Sanasnaas ih zugeer yum bna.
za tegj baigaad ur dun garval irj medeelne ee,hehe~~

БумЭрдэнэ said...

Харин тиймээ. Тэгж амалдагуудын нэг би бна даа.

Gardagami said...
This comment has been removed by a blog administrator.